Mark Feyqin: Dağıstandakı etirazları Putinin özü təhrik edib

“7 oktyabr hadisələri (HƏMAS-ın İsrailə hücumu) terror aktıdır və HƏMAS mülki əhalinin öldürülməsinə görə cavab verməlidir. Lakin bundan sonra baş verənlərin hamısı qlobal miqyasda sırf manipulyasiya idi. Dərhal Qəzza zolağında tələyə düşmüş bədbəxt Fələstin xalqının bombardmanlardan necə əziyyət çəkdiyinə dair ritorikaya başlasanız, buna səbəb-nəticənin geri qaytarılması deyilir”.

Poliqon xəbər verir ki, bunu rusiyalı hüquq müdafiəçisi və müxalif siyasətçi Mark Feyqin “Unian”a müsahibəsində bildirib.“

Rusiyalı siyasətçinin fikrincə, bu məsələdə Moskvanın əli var.

“Mən indi qiymətləndirmirəm ki, Moskva həqiqətən də HƏMAS-ın və onun əməliyyatlarının arxasında dayanıb, biz bunu bilmirik. Amma Qərb mətbuatı yazır ki, onlar iki ildir buna hazırlaşırlar və HƏMAS rəsmiləri Moskvaya hamıdan çox səfər edib, kifayət qədər yüksək səviyyədə qarşılanıb, Lavrov onlarla görüşüb. Hətta heç nə güman etməyə əsas vermir ki, Moskva 7 oktyabr əməliyyatı planlarından xəbərsiz olub”, deyə Fqyqin bildirib.

Moskvanın bu mövzunun BMT səviyyəsində təbliğində iştirak etdiyini xatırladan siyasətçi qeyd edib ki, Rusiya rəsmiləri HƏMAS-ı dəstəkləyən qətnamə və bəyanatların manipulyasiyasında çox fəal iştirak edirdi.

“Onlar Rusiyada və onun hüdudlarından kənarda bu antisemit hissləri stimullaşdırdılar. Dağıstanda sələfi qruplaşmalarının təxribat xarakterli hərəkətlər etməsi təəccüblü deyil. Əslində, nə baş verir: əvvəlcə həyəcanlı gənclər otelə qaçırlar, sonra hava limanına qaçırlar, aerodroma çıxırlar və yəhudiləri axtarırlar. Üstəlik, heç nə baş vermir, heç kim onlara mane olmur - nə Rusiya Qvardiyasının, nə ordusunun, nə də başqalarının heç bir hərəkəti yoxdur. Baxmayaraq ki, hər şeyin hansı istiqamətdə getdiyi artıq aydın idi. Hava limanını dağıdıblar, bütün bunlar telefonlara çəkilib. Hiss olunur ki, onlar izləyirdilər və onların neçə nəfər olduğunu, kim olduğunu, adlarını müəyyənləşdirirlər. FTX təbii ki, orada olub və bütün bunları qeydə alıb. İndi Putin Dağıstanın təhlükəsizlik qüvvələri ilə, yəqin FTB və digər təhlükəsizlik orqanlarının rəhbərliyi ilə görüş keçirir, guya orada baş verənləri təhlil edir. İndi həbslər olacaq - təbii ki, bu sələfiləri aparmağa başlayacaqlar”.

Siyasətçi bildirib ki, Putin belə bir mövqe tutmaqla əslində bu hissləri təhrik edib.

“İndi də o, yəhudilərin müdafiəçisidir. Və qlobal mənada o, əsas benefisiarlardan biridir. Ukraynalıların qətli və Ukraynadakı müharibə fonunda, İsrailin növbəti partlayacaq ocaq olacağını gözləmək olardı. Görünür, yəhudilər bütün bunları özlərindən yayındırmaq üçün çox əlverişli hədəfdirlər.

Oktyabrın 7-də baş verən bu hadisələr olmasaydı, Yaxın Şərqdə heç nə baş verməzdi. Onlar yaşadıqları kimi yaşamağa davam edəcəkdilər və Səudiyyə Ərəbistanı ilə danışıqlar aparacaqdılar. İndi bütün bunlar pozuldu və həm ABŞ, həm də Ukraynanın avropalı müttəfiqlərinin görəcəkləri iş var”.

Feyqin qeyd edib ki, artıq Ukraynaya kömək etmək və oradakı yanğını söndürmək üçün səylər şaxələnir.

“Biri soruşacaq ki, Avropa niyə narahat olmalıdır. Bəs siz Londonda, Parisdə mitinq görmüsünüzmü? Avropanın mərkəzində yəhudilərin qətli barədə qışqıran böyük izdiham cəfəngiyyatdır. Düşünürdülər ki, bu problemlər həll olunub, amma elə bir şey yoxdur. Ona görə də təbii ki, Putin, Moskva və Kreml bu hissləri təhrik edəcək, çünki bu, onlar üçün son dərəcə faydalıdır. Bu, təhlükəni, Ukraynada baş verənlərə görə məsuliyyəti özündən yayındırır. Çox məntiqli və siyasi cəhətdən təsdiqlənmiş addımdır”.

Poliqon.info