Səudiyyə Ərəbistanı İranın nüvə silahı əldə etmə ehtimalından narahatdır...
“İran gələcəkdə nüvə silahı əldə edərsə, Səudiyyə Ərəbistanı da təhlükəsizlik baxımından öz nüvə silahını yaratmalı olacaq”.
Poliqon xəbər verir ki, bu sözləri krallığın vəliəhd şahzadəsi Məhəmməd bin Salman Amerikanın Fox News telekanalına müsahibəsində deyib.
Vəliəhd şahzadə sözlərinə görə, regionda hər hansı dövlətin kütləvi qırğın silahları əldə etməsi Ər-Riyadda narahatlıq yaradacaq. Eyni zamanda, vəliəhd beynəlxalq ictimaiyyətin başqa Xirosimanın şahidi olmamalı olduğunu vurğulayıb.
“Əgər dünya 100 min insanın öldürüldüyünü görürsə, bu, sizin dünyanın qalan hissəsi ilə müharibə etməyiniz deməkdir”, deyə Salman əlavə edib.
Şahzadə həmçinin qeyd edib ki, İran nüvə silahı əldə edərsə, Səudiyyə Ərəbistanı hökuməti cavab tədbirləri görməyə məcbur olacaq.
“Xüsusilə, bu o deməkdir ki, krallığın güc tarazlığını qorumaq üçün öz nüvə döyüş başlıqları olacaq”, deyə şahzadə bildirib.
Qeyd edək ki, Salman hələ 2018-ci ildə demişdi ki, ölkəsi ilə İran arasında yaxın gələcəkdə hərbi münaqişə başlaya bilər. Sonra vəliəhd beynəlxalq ictimaiyyəti Tehrana qarşı sanksiyalar tətbiq etməyə və bununla da onu nüvə proqramından əl çəkməyə məcbur etməyə çağırmış, əks halda 10-15 ildən sonra müharibə olacağını bildirmişdi.
Poliqon.info