Ukraynada prezident seçkiləri nə vaxt keçiriləcək?

Poliqon xəbər verir ki, bunu Ukrayna prezidentinin aparat rəhbərinin müşaviri Mixail Podolyak 1+1 telekanalına müsahibəsində deyib.

“Prezident Volodimir Zelenski bu məsələdə ehtiyatlıdır. Daha dəqiq deyə bilərəm ki, bu il seçkilər olmayacaq”, deyə Podolyak bildirib.

Bundan əvvəl Zelenski qeyd edib ki, ölkədəki hərbi vəziyyət prezident seçkilərinin keçirilməsini istisna edir.

İspaniyanın “El Pais” qəzeti yazıb ki, Ukrayna hakimiyyəti mümkün danışıqlar ərəfəsində prezidentin reytinqinin aşağı düşməsini dayandırmaq üçün 2024-cü ildə seçkilər keçirməyi düşünür.

Zelenski həmçinin bildirib ki, Qərb ölkələri maliyyələşdirsələr, ölkədə hərbi əməliyyatlar bitməmiş seçkilərin keçirilməsi mümkündür. O, hakimiyyətdən yapışmadığını da vurğulayıb.

Poliqon.info