Direktorlar İnstitutu Proqramına start verilib

APA xəbər verir ki, məktəb direktorları, direktor müavinləri, təhsilin idarə olunması məsələlərinə maraq göstərən müəllimlər və digər təhsil mütəxəssislərinin qoşulduğu Proqramın əsas mövzusu “Məktəbin idarə olunmasına muasir yanaşmalar”dır.

Təlimçi əməkdar müəllim Asif Cahangirov bildirib ki, proqram müddətində iştirakçılar beynəlxalq və yerli təcrübə əsasında məktəbdaxili idarəetmənin aktual problemləri və həlli yolları barədə zəruri məlumatlar və səriştələr əldə edəcəklər:

“Proqram ümumilikdə 12 təlim modulu üzrə qurulmuş və əsasən aşağıdakıları əhatə edir. Buraya tədris-təlim prosesinin, müəllimlərin peşəkar inkişafının səmərəli idarə olunması, valideynlərlə əməkdaşlıq və s. sahələr üzrə məktəbdə pozitiv dəstəkləyici mühitin yaradılması, idarəçiliyin başlıca funksiyaları və prinsipləri, liderlik, strateji planlaşdırma və monitorinq, qanunvericilik və məktəbin idarə olunması daxildir”.

Bildirilib ki, bütün məşğələlər interaktiv mühitdə keçiriləcək, iştirakçılar müxtəlif layihələr üzrə iş aparacaq, esselər yazacaq, seçilmiş mövzu üzrə yekun təqdimatla çıxış edəcəklər.

Qeyd edilib ki, iştirakçıların həmin vaxtlarda əsas iş yerlərindən rəsmi icazə almaqlarına köməklik edilir.

Proqram çərçivəsində, həmçinin professor Mayis Əliyev, fəlsəfə doktorları Elmina Kazımzadə, Ülviyyə Mikayılova təlimçi kimi çıxış edəcəklər.

Növbəti Proqrama qoşulmaq istəyənlər aşağıdakı nömrə ilə əlaqə saxlaya bilərlər:
+00994502901695

Poliqon.info