Mask Zukerberqin təkbətək döyüşdən imtina etdiyini bildirib...

Poliqon xəbər verir ki, bu barədə Mask X (əvvəlki Twitter) sosial şəbəkəsindəki səhifəsində yazıb/

“İtaliya nəzakətlə Kolizeyi təklif etdi. Zuk isə imtina etdi. Buna görə də mən ən təhlükəsiz yer olaraq onun evini təklif etdim. Təəssüf ki, o, səyahətə çıxdı. Oümumiyyətə onun döyüşə biləcəyi yer varmı?”, deyə İlon Mask yazıb.

Qeyd edək ki, mətbuat daha əvvəl yazmışdı ki, iki milyarderin Kolizeydə döyüşməsi barədə təklif İtaliyanın Mədəniyyət Nazirliyi tərəfindən irəli sürülüb. Amma qədim abidənin nümayəndəsi agentliyə bildirib ki, orada döyüşmək mümkün deyil.

Xatırladaq ki, avqustun 13-də Zukerberq İlon Maskın təkbətək döyüş matçında onunla görüşmək niyyətinin ciddiliyinə artıq inanmadığını bildirib. Meta korporasiyasının rəhbəri onu da xatırladıb ki, Maska döyüş üçün artıq konkret tarix təklif olunub və Ultimate Fighting Championship (UFC) rəhbəri onu təşkil etməyə hazır olduğunu bildirib. Cavabında Mask döyüşdən əvvəl əməliyyata ehtiyacı olduğunu bildirib, sonra isə Zukerberqin həyətində məşq raundunu tələb edib.

Poliqon.info