ISW: Şoyqu özəl hərbi şirkətlərə nəzarət edə bilmir...

Poliqon xəbər verir ki, bu barədə Amerika Müharibə Araşdırmaları İnstitutu (ISW) məlumat yayıb.

Hesabatda qeyd edilir ki, xüsusilə, Sergey Şoyqunun nazirliyi “Konvoy” özəl hərbi şirkətini cilovlamaqda çətinlik çəkir. Rusiyanın müxalif “Dossier” nəşrinin məlumatına görə, qrupu Rusiya dövlət bankı VTB vasitəsilə prezident Vladimir Putinin uzun müddətdir tərəfdaşı olan Arkadi Rozenberq maliyyələşdirir. Krımın işğalçı rəhbəri Sergey Aksyonov bu şirkəti siyasi cəhətdən dəstəkləyir.

“Konvoy” tərəfindən yaraqlıların cəlb edilməsi 2022-ci ilin noyabrında başlayıb. Muzdlular ya birbaşa “Konvoy”la, ya da Cənub Hərbi Dairəsinin 8-ci Birləşmiş Silahlı Qüvvələrinə daxil olan Rusiyanın 150-ci motoatıcı diviziyası ilə müqavilələr bağlayırlar. Bununla belə, de-fakto olaraq şirkət bu bölməyə tabe deyil və Ukraynada öz məsuliyyət sahəsinə və öz komanda heyətinə malikdir.

Bildirilir ki, “Konvoy” Krımın işğal olunmuş Perevalnoye kəndində yerləşir və hazırda Xerson istiqamətində fəaliyyət göstərir. 2023-cü ilin yayına olan məlumata görə, şirkətdə ayda 200-300 min rubl (2030-3045 ABŞ dolları) maaş alan 400 silahlı var.

“Konvoy” özəl hərbi şirkətinə davamlı özəl maliyyə və siyasi dəstək verilir. O, Ukraynada Müdafiə Nazirliyinin komandanlıq strukturundan ayrı fəaliyyəti göstərir. Müdafiə Nazirliyi nizamsız birləşmələri Rusiya ordusuna tam inteqrasiya etmək niyyətində olmasına baxmayaraq, edə bilmir", deyə ISW qeyd edir.

Poliqon.info