Sunak Kamerondan sonra BMT Baş Assambleyasına qatılmayan ilk Baş naziri ola bilər

Poliqon xəbər verir ki, bu barədə The Telegraph qəzeti mənbələrə istinadən məlumat yayıb.

BMT Baş Assambleyası ənənəvi olaraq sentyabr ayında keçirilir, orada xarici ölkələrin liderləri iştirak edirlər. Bu görüşə qatılmayan sonuncu Böyük Britaniya baş naziri 2013-cü ildə Devid Kameron olub.

Qəzetin yazdığına görə, Rişi Sunak hələlik tədbirdə iştirakını təsdiqləməyib. Böyük Britaniyanın baş naziri BMT Baş Assambleyasına getmək əvəzinə diqqətini "təşviqat kampaniyası zamanı verdiyi beş vədi yerinə yetirməkdə irəliləyiş əldə etməyə" və Mühafizəkarlar Partiyasının oktyabrda keçirilməsi planlaşdırılan illik konfransına ayıra bilər. Bu, onun partiya lideri kimi ilk konfransı olacaq. "The Telegraph"a görə, kabinet dəyişikliyini ehtiva edən daha geniş payız sıfırlaması da planlaşdırılır.

Aprel ayında İcmalar Palatasının Davranış Standartları Komitəsi Rişi Sunakın maraqların toqquşmasından şübhələnərək davranış kodeksini mümkün pozması ilə bağlı araşdırmaya başlayıb. Baş nazirin əleyhdarları onu ölkənin qəbul olunmuş büdcəsinin həyat yoldaşının səhmdarı olduğu şirkətə birbaşa fayda gətirə bilməsində ittiham edirlər. Hökumət başçısının köməkçiləri əmindirlər ki, o, qanunları pozmayıb.

Poliqon.info