Bu həftə Ukrayna tərəfi Amerika kasetli sursatlarının istifadəsi ilə bağlı hesabatı ABŞ-la bölüşəcək...
Poliqon xəbər verir ki, bu barədə Ukraynanın müdafiə naziri Aleksey Reznikov CNN telekanalına müsahibəsində bildirib.
“Biz bunlardan (kaset sursatlarından-red.) istifadənin nəticələri barədə məlumat verəcəyik, ona görə də düşünürəm ki, bu həftə ilk hesabatı hazırlayacam və onu Pentaqondakı tərəfdaşlarımla bölüşəcəyəm. Ümid edirəm ki, onlar adi döyüş sursatlarından daha təsirli olacaqlar”, deyə nazir bildirib.
Reznikov əlavə edib ki, o, hələ də tabeliyində olanlardan bu hesabatı gözləyir, sonra onu yəqin ki, bazar ertəsi və ya çərşənbə axşamı, yəni iyulun 24-də və ya 25-də Pentaqona göndərəcək.
Cümə axşamı Ağ Evin Milli Təhlükəsizlik Şurasının koordinatoru Con Kirbi bildirib ki, Ukrayna qüvvələri Rusiyaya qarşı ABŞ-ın verdiyi kassetli sursatlardan düzgün və səmərəli istifadə edir.
Ukrayna tərəfi ATƏT-də bəyan edib ki, Silahlı Qüvvələr kasetli sursatlardan yalnız Rusiya qoşunlarının müvəqqəti işğal olunmuş ərazilərdə cəmləşdiyi ərazilərdə istifadə edəcək, bütün halları diqqətlə qeydə alacaq.
Poliqon.info