Ötən gecə Rusiya Federasiyası Silahlı Qüvvələri Ukrayna Silahlı Qüvvələrinin ehtiyat qüvvələrinin yerləşdiyi ərazilərə dəniz bazalı yüksək dəqiqlikli uzaqmənzilli raketlərlə zərbə endirib.
APA-nın Moskva müxbiri xəbər verir ki, bu barədə Rusiya Müdafiə Nazirliyinin rəsmi nümayəndəsi İqor Konaşenkov bildirib.
Onun sözlərinə görə, hədəf üçün təyin olunan obyektlər vurulub və məqsədə nail olunub.
Rusiya MN sözçüsü müharibə başlayandan bu günə kimi Ukrayna tərəfinin hərbi itkilərini də açıqlayıb.
"Ümumilikdə, xüsusi hərbi əməliyyat başlayandan bu günə kimi Ukrayna Silahlı Qüvvələrinin 442 təyyarə, 238 helikopter, 4579 pilotsuz uçuş aparatı, 426 zenit-raket kompleksi, 9915 tank və digər zirehli döyüş texnikası, 1122 reaktiv yaylım atəşi sistemi , 5093 səhra artilleriya qurğusu və minaatan, o cümlədən 10905 ədəd xüsusi təyinatlı hərbi maşını məhv edilib", deyə Konaşenkov qeyd edib.
Poliqon.info
Digərxəbərlər
Populyar xəbərlər
