Çin Ukrayna münaqişəsinin dərhal siyasi həllini tələb edib

Poliqon xəbər verir ki, Çinin BMT-dəki daimi nümayəndəsi Çjan Tsun bazar ertəsi təşkilatın Təhlükəsizlik Şurasının iclasında çıxışı zamanı Ukrayna böhranının dərhal siyasi həllinintapılmasının müstəsna əhəmiyyətini bəyan edib.

“Dialoqun və danışıqların bərpasını uzun illər gözləmək olmaz”, deyə çinli diplomat vurğulayıb.

Çjan Tsun etiraf edib ki, bu mürəkkəb suala tək və sadə cavab yoxdur. Amma daimi nümayəndə vurğulayıb ki, istənilən kompleks həll həmişə ilk addımdan başlayır. Bununla bağlı Tsun danışıqların başlanması üçün şəraitin yaradılmasına və bəzi dövlətlərin bu fürsətdən istifadə etmək üçün münaqişənin alovuna yağ tökməməyə çağırıb.

Çjan Tsun həmçinin bildirib ki, Çinin xüsusi nümayəndəsi Li Huey hazırda Polşa, Ukrayna, Almaniya və Rusiyaya səfərlər edərək müzakirələr aparıb. Daimi nümayəndənin sözlərinə görə, onun ölkəsi böhranın siyasi həllinə nail olmaq üçün hamı ilə dialoq aparmaq niyyətindədir.

Çıxışının sonunda Çin diplomatı Pekinin böhranı dərhal siyasi yolla həll etməyə çağırışını bir daha təkrarlayıb.

Poliqon.info