Tacqoyma mərasimində kralın kiçik oğlunun iştirakı kraliçanın qəzəbinə səbəb olduğu iddia edilir…
Böyük Britaniya kralı III Çarlz həyat yoldaşı Kamilla ilə şahzadə Harrinin tacqoyma mərasiminə dəvət edilməsinə görə mübahisə edib.
Poliqon xəbər verir ki, bu barədə Britaniyanın Radar Online portalı öz mənbəsinə istinadən məlumat yayıb.
Xatırladaq ki, III Çarlz mayın 6-da Londondakı Vestminster Abbatlığında rəsmən tac geyinib. Şahzadə Harri tac qoyma mərasimində iştirak etsə də, digər mərasimlərdə iştirak etmədən dərhal ABŞ-a qayıdıb. Nəşr qeyd edir ki, kraliça mərasimdə şahzadə Harrinin iştirakından hiddətlənib.
“Kamilla şahzadə Uilyam ilə razılaşır ki, bu addım prinsipsizliyin təzahürü idi və Çarlz Harri və Meqanı krallıqdan qovmalı, onların xəyanətinə dözülməyəcəyini açıq şəkildə bildirməli idi”, deyə saraya yaxın olan mənbə nəşrə bildirib.
Mənbə həmçinin iddia edir ki, III Çarlz öz növbəsində onun qərarlarını daim tənqid edən Kamillanın hörmətsiz münasibətindən əsəbiləşir. Mənbənin sözlərinə görə, cütlük daimi mübahisələr olmadan nahar belə edə bilmir və qıcıqlarını Bukinhem Sarayının xidmətçilərindən çıxarırlar.
Xatırladaq ki, son zamanlar şahzadə Harri və həyat yoldaşı Meqan Markl kral ailəsi haqqında bir sıra qalmaqallı sirrləri açıblar. Həmin sirrlər arasında kraliça Kamilla haqqında da xoşagəlməz iddialar var.
Poliqon.info