Qlobal Bakı Forumu aparıcı beynəlxalq forumlardan birinə çevrilib

Ölkə başçısı bildirdi ki, Bakı Qlobal Forumunun iştirakçılarının təmsilçilik səviyyəsi və intellektual potensialı aparıcı beynəlxalq konfranslara uyğundur.

Prezident Forumda çıxışı zamanı indiki dövrün çox önəmli məsələlərinə toxundu və həmin məsələlərin həllində Azərbaycanın rolunu vurğuladı. İlham Əliyev çıxışı zamanı əsas olaraq Azərbaycan-Ermənistan münasibətlərinin indiki vəziyyətindən danışdı. Ölkə başçısı qeyd etdi ki, hazırda sülh üçün vaxt yetişib. 2020-ci ilin noyabrında müharibə bitdikdən dərhal sonra biz sülh danışıqlarına başlamaq üçün təşəbbüs irəli sürdük və Ermənistanla sülh müqaviləsinin əsasını təşkil edəcək beş məşhur prinsipi təqdim etdik.

Eyni zamanda Prezident əsas olaraq vurğuladı ki, Ermənistan tamamilə asılı olan, digər ölkənin və hazırda, ola bilsin, digər ölkələrin müstəmləkəsinə çevrilib. Ümid edirik ki, vasitəçiliyə cəhd göstərən beynəlxalq iştirakçılar Ermənistanı müstəqilliyi qorumaq şansını əldən buraxmamaqda dilə gətirəcəklər.

Xatırladım ki, Qlobal Forumununda 60 ölkədən 350 nəfər iştirakçı var. Onların sırasında 50-dən artıq hazırkı və sabiq prezident, o cümlədən baş nazir var. Forumda aparılan müzakirələrin səviyyəsi kifayət qədər yüksək olur. Buna görə də deyə bilərik ki, Qlobal Bakı Forumu aparıcı beynəlxalq forumlardan birinə çevrilib.

Nizami Rayon İcra Hakimiyyətinin məsul işçisi, MMP-nın Siyasi Şura və İdarə Heyətinin üzvü Könül İsmayılova

Poliqon.info