Ukraynalı hərbi ekspert Petr Çernik Soledarın təslim ediləcəyinə ehtimal verir, Pentaqon isə şəhər uğrunda dinamik döyüşlərin getdiyini bildirir…
PİA.az Ukraynanın “Qlavred” nəşrinə istinadən xəbər verir ki, hərbi ekspert Petr Çernik Ukrayna ordusunun Soledar və Baxmutdan geri çəkilməsini fəlakət kimi dəyərləndirməməyə çağırıb.
Ekspert hesab edir ki, indi həm Soledar, həm də Baxmut qaynar nöqtələrdir, amma strateji dinamika Ukraynanın xeyrinə qalır.
“!Soledardan taktiki olaraq geri çəkilmək mümkündürmü? Bəli, amma bunu fəlakətə çevirməyin. Çünki Severodonetskdə olduğu kimi hər iki şəhər yerlə-yeksan edilərsə, o zaman onların saxlanmasının heç bir məntiqi olmayacaq”, deyə ekspert fikrini əsaslandırıb.
Pentaqondn isə bildiriblər ki, ABŞ Donetsk vilayətindəki Soledarın işğalçıların nəzarətində olduğunu təsdiq edə bilməz. ABŞ müdafiə naziri Lloyd Ostin dünən jurnalistlərə verdiyi brifinq zamanı bildirib ki, onlar Soledarın işğal olunmasını təsdiq edə bilməzlər.
“İcazə verin, Soledar və rusların Soledarı əldə edib-etmədiyi sualından başlayım. İndi biz bu məlumatı təsdiq edə bilmərik. Şəhər uğrunda dinamik döyüşlər gedir”, Lloyd Ostin bildirib.
pia.az
Digərxəbərlər
Populyar xəbərlər
