Avropa İttifaqı (Aİ) Rusiyanın Ukraynaya hərbi müdaxiləsi ilə bağlı sanksiyalarının bir hissəsi kimi qlobal əməliyyatları dəstəkləyən SWIFT şəbəkəsindən yeddi Rusiya bankını xaric edir.
"APA-Economics"in "Reuters"ə istinadən verdiyi məlumata görə, bu barədə Aİ-nin rəsmi jurnalında (hər iş günü Aİ-nin üzv dövlətlərin bütün rəsmi dillərində nəşr olunan qəzet) dərc olunub.
Qeyd edilir ki, SWIFT şəbəkəsində əməliyyatlarını dayandırmaq üçün 10 gün vaxt veriləcək Rusiya bankları "Bank Otkrıtiye", "Novikombank", "Promsvyazbank", "Bank Rossiya", "Sovkombank", VEB.RF və Rusiyanın ikinci ən böyük dövlət bankı VTB-dir.
Xatırladaq ki, yalnız Aİ-nin rəsmi jurnalında dərc edilmiş hüquqi aktlar icbari gücə malikdir.
***
Avropa İttifaqının (Aİ) daimi nümayəndələri Rusiyanın SWIFT qlobal ödəniş sistemindən ayrılacaq yeddi bankının siyahısını təsdiqləyiblər.
Bu barədə “Report” “Bloomberg”ə istinadən xəbər verir.
Qeyd edilir ki, onların arasında VTB, VEB kimi banklar da var.
"Avropa İttifaqının daimi nümayəndələri Rusiyanın yeddi bankını SWIFT maliyyə sistemindən ayırmağı razılaşdırıblar", - agentlik qeyd edib.
Agentliyin məlumatına görə, Aİ həmçinin “Sovkombank”, “Rossiya” və “Otkritie”, “Novikombank”ı da SWIFT-dən ayırmağa hazırlaşır.
pia.az
Digərxəbərlər
Populyar xəbərlər
