"Rusiyalı rəsmilərin dilindən daha nələr eşitmədik? Ancaq Dövlət Dumasının sədri Vyaçeslav Volodin son açıqlamasıyla lap “gül vurub”. Volodin Dövlət Dumasının son iclasında Amerikanı tənqid etdikdən sonra deyib: “Rusiya son azadlıq adasıdır”. Əlbəttə, Amerikada son hadisələrin fonunda bu ölkəni “azadlıq adası” saymaq qüsurludur, ancaq Rusiya “azadlıq” ifadəsinin heç “a” hərfinə də iddia edə bilməz. Rusiyanın siyasəti hara, azadlıq adası adlandırılması hara?".
PİA.az-ın xəbərinə görə, bunu politoloq Elxan Şahinoğlu deyib.
E.Şahinoğlunun sözlərinə görə, Volodin həm də ona əsəbiləşib ki, Ukraynada 3 televiziya kanalını bağlayıblar: "Həmin 3 kanalı illərdir izləyirdim, Krımı ilhaq edən və Donbass separatçılarına dəstək verən Rusiyanın informasiya ruporuna çevrilmişdilər. Ukrayna prezidenti Vladimir Zelenskinin qərarı doğrudur. Həmin 3 kanalın qapadılmasının söz azadlığı ilə yaxından-uzaqdan əlaqəsi yoxdur. Bu ona bənzəyərdi ki, Azərbaycanda hansısa televiziya kanalı Ermənistanın Dağlıq Qarabağı işğalına haqq qazandırar və biz buna seyrçi qalardıq. Mümkün deyil. Zelenski “5-ci kolonla” mübarizə çərçivəsində Rusiyanın maraqlarına xidmət edən digər qruplara qarşı da mübarizəyə başlayıb". (Pravda.az)
pia.az