“Hakimiyyət Qarabağ müharibəsi ərzində qazandığı ictimai dəstəyi əsasən iki hadisə nəticəsində itirərək əvvəlki, yəni polisə möhtac olduğu dəstək səviyyəsinə qayıda bilər. Bunlardan birincisi COVİD-19 səbəbilə sərt karantin rejiminin tətbiqi, açıq məkanda maska taxmaq kimi ağlasığmaz tələbin qoyulması hadisəsidir. İkincisi isə, devalvasiyadır”.
PİA.az-ın xəbərinə görə, bunu ReAl Partiyanın sədri İlqar Məmmədov deyib.
İ.Məmmədov qeyd edib ki, hökumət bu gün açıq havada maska taxmaq qərarını verdi: “Aylardır deyirəm ki, koronovirusun statistikasına SMS və digər kimi sərt tədbirlərin təsiri olduqca zəif olub. Bəli, dəfələrlə rəsmi rəqəmlər üzərindən göstərdik: Ermənistan və Azərbaycan hökumətləri fərqli vaxtlarda fərqli məhdudiyyətlər qoysalar da, Ermənistanın COVİD-19 statistikası möcüzəvi şəkildə Azərbaycan statistikasını daim 15-20 gün əvvəl “proqnoz” edir! Niyə? İzahına indi varmaq istəmirəm. Bircə onu deyim ki, martın 1-dən davam edən bu qanunauyğunluq varsa, bundan sonra da onun davam edəcəyinə şübhəm azdır, rəqəmlərə əl gəzdirməsələr... Yaxın 15-20 gün ərzində hökumət nə etsə də, nə etməsə də yenə Ermənistanda olduğu kimi rəqəmlər düşməlidir. Bu statistikanın 9 (!) aydır davam edən “möcüzəvi” məntiq və nəticəsini hökumət öz adına çıxarmaq istəyir deyə açıq havada maska taxmalıyıq? Qoy insanlar nəfəs alıb qələbə xəbərlərinə sevinə bilsin”.(Pravda.az)
pia.az
Digərxəbərlər
Populyar xəbərlər
