Ağdam rayonunda yol qəzası baş verib...
PİA.az-ın xəbərinə görə, hadisə iyunun 18-i gecə saat 2 radələrində rayonun Alıbəyli kəndi ərazisində qeydə alınıb.
Belə ki, Ağdam rayon sakini, 1972-ci il təvəllüdlü Şamil Əliyevin idarə etdiyi “Mercedes-Benz c230” markalı avtomobili hərəkətdə olan zaman rayon sakini, 1980-ci il təvəllüdlü İbrahim Rzayevin idarə etdiyi “Mercedes-Benz Vita” markalı avtomobillə toqquşub. Nəticədə “Mercedes-Benz c230” markalı avtomobil aşıb və onun içərisində olan sərnişin Sarvan Baxışov hadisə yerində ölüb.
Faktla bağlı Cinayət Məcəlləsinin 263.2-ci (yol hərəkəti və nəqliyyat vasitələrinin istismarı qaydalarını pozma, zərərçəkmiş şəxsin ölümünə səbəb olduqda) maddəsi ilə cinayət işi başlanılıb.
Araşdırma zamanı məlum olub ki, “Mercedes-Benz c230” markalı avtomobilin sürücüsü Ş.Əliyev avtomobili idarə edən zamanı sərxoş olub.(Report)
pia.az