Beynəlxalq Maliyyə Korporasiyasının vitse-prezidenti Bakıya gələcək

“Report”un məlumatına görə, iki gün davam edəcək səfər zamanı H.P.Lankes Azərbaycan hökumətinin iqtisadi komandasına daxil olan qurumların rəhbərləri ilə görüşməsi, müzakirələr aparması nəzərdə tutulub.

Bundan əlavə vitse-prezidentin Azərbaycan Dövlət Neft Fondunun (ARDNF) keçirəcəyi investisiyalara həsr edilmiş beynəlxalq konfransda da iştirakı gözlənilir.

Qeyd edək ki, H.P.Lankes 2017-ci ildən IFC-də iqtisadiyyatlar və özəl sektorun inkişafı üzrə vitse-prezidentdir.

Xatırladaq ki, Azərbaycan 1995-ci ildən IFC-yə üzvdür və bu vaxta qədər Korporasiya 72 layihə üzrə 500 mln ABŞ dolları civarında dövlət zəmanəti olmayan kredit ayırıb. Bu layihələrdən 56-ı uzunmüddətli layihələr olub. Həmçinin IFC özünün ticarətin dəstəklənməsi proqramı çərçivəsində 80 mln dollarlıq dəstək verib və Bakı-Tbilisi-Ceyhan (BTC) kəmərinə isə 250 mln dollar kredit ayırıb.

Xatırladaq ki, Dünya Bankı Qrupuna daxil olan IFC “AGBank” ASC-də 4,2%-lik, “Access Bank” QSC-də isə 16,6%-lik paya malikdir.

pia.az