Bakıda fəhlə bədbəxt hadisə nəticəsində ölüb
Hadisə paytaxtın Səbail rayonunda tikilməkdə olan yaşayış binasında qeydə alınıb. Orada işləyən, 1962-ci il təvəllüdlü Mirələm Abdullayev idarə etdiyi “KamAZ” markalı yük avtomobilini arxaya idarə edərkən, həmin tikintidə fəhlə işləyən, 1967-ci il təvəllüdlü Fazil Seyidovu vuraraq qaldırıcı qurğunun dəmir hissəsinə sıxıb. Fəhlə aldığı xəsarətlər nəticəsində hadisə yerində ölüb.
Faktla bağlı Səbail rayon Prokurorluğunda Cinayət Məcəlləsinin 162.2-ci (Əmək mühafizəsi qaydalarını pozma – zərərçəkmiş şəxsin ölümünə səbəb olduqda) maddəsi ilə cinayət işi başlanıb. (APA)
pia.az