Bu gün mədəniyyət naziri Əbülfəs Qarayev ilə Peru Respublikasının ölkəmizdəki səfiri xanım Mariya Milaqros Kastanyon Seoane arasında görüş keçirilib
Görüşdə iki ölkə arasında əməkdaşlıq, qarşılıqlı layihələrin həyata keçirilməsi məsələləri müzakirə edildi. Görüş zamanı həmçinin Azərbaycan Respublikası Mədəniyyət Nazirliyi ilə Peru Respublikası Mədəniyyət Nazirliyi arasında mədəniyyət sahəsində əməkdaşlıq haqqında Sazişin imzaya hazır olduğu bildirildi və xanım səfir sazişin imzalanması məqsədilə Əbülfəs Qarayevi Peruya səfərə dəvət etdi.
Əbülfəs Qarayev, öz növbəsində Peru tərəfini cari ilin 25-26 oktyabr tarixlərində keçiriləcək VI Bakı Beynəlxalq Humanitar Forumu və 2019-cu ildə ölkəmizdə təşkil olunacaq V Ümumdünya Mədəniyyətlərarası Dialoq Forumunda iştiraka dəvət etdi.
Görüş zamanı iki ölkə arasında mədəniyyət sahəsində, xüsusilə arxeoloji qazıntılar, incəsənət və memarlıq sahələri üzrə əməkdaşlığın inkişafının vacibliyi vurğulandı.
Sonda səfir səmimi qəbula görə təşəkkürünü bildirdi və iki ölkə arasında mədəniyyət sahəsində əməkdaşlığın məhsuldar olacağına inamını ifadə etdi.
pia.az