BMT Qəzzaya humanitar yardımın çatdırılmasını dayandırıb

İsrailin Deyr əl-Bələh şəhərinin bir neçə bölgəsinin boşaldılması əmrindən sonra BMT əməkdaşları Qəzza zolağının sakinlərinə humanitar yardım göstərməyi dayandırıblar.

Poliqon xəbər verir ki, bu barədə Bloomberg Agentliyi təşkilatın yüksək rütbəli rəsmisinə istinadən məlumat yayıb. Mənbə BMT-nin anklavı tərk etmədiyini vurğulayıb.

“Deyr əl-Balahda BMT humanitar fəaliyyətlərin əksəriyyətini əlaqələndirir. BMT rəhbərliyi humanitar yardımın dayandırıldığını rəsmən elan etməyib, lakin indiki şəraitdə bu iş mümkün deyil”, deyə Bloomberg-in həmsöhbəti bildirib.

Mənbə qeyd edib ki, BMT nümayəndələri vəziyyətin həlli üçün İsrail rəsmiləri ilə əlaqə saxlayır.

Qeyd edilir ki, yardımın dondurulması BMT-nin maliyyələşdirdiyi və bu həftənin sonunda başlaması planlaşdırılan peyvənd səylərini poza bilər. Buna nail olmaq üçün 1,255 milyon insan üçün poliomielit peyvəndi Qəzza zolağına çatdırılıb.

Poliqon.info