ABŞ və Fransada Durovun həbsindən sonra Telegram-ın populyarlığı artıb

Poliqon xəbər verir ki, bu barədə “TechCrunch” portalı məlumat yayıb.

Portalın qeyd edir ki, Fransada messencer iOS App Store-da yükləmələrin sayına görə “Sosial şəbəkələr” kateqoriyasında birinci yerə yüksəlib və ümumilikdə proqramların reytinqində üçüncü olub. Telegram Amerika App Store-da ikinci ən çox yüklənən sosial şəbəkə proqramı olub və dünyada iOS-da messencerin endirilmə sayı 4% artıb.

Xatırladaq ki, Pavel Durov avqustun 24-də Parisin Le Burje hava limanında saxlanılıb. Ertəsi gün onun həbs müddəti 96 saata qədər uzadılıb. Paris prokurorluğu onu xüsusilə narkotik alverində, uşaqlara qarşı cinayətlərdə və dələduzluqda şərik olmaqda ittiham edir, yəni faktiki olaraq o, Telegram-dan istifadə edərək bu və digər cinayətləri törədənlərin şəriki hesab olunur.

Poliqon.info