Myanmanın hərbi hökuməti şənbə günü ölkənin ənənəvi Yeni İl bayramı münasibətilə 23,000-dən çox məhbusu sərbəst buraxdığını və ölkə xuntasının yeni rəhbərinin hakimiyyəti ələ keçirəndən bəri ilk dəfə xarici səfərə gedəcəyini bildirib.
Həbsxana Nazirliyi ölkə boyu 23,184 məhbusun Yeni İl amnistiya proqramı çərçivəsində əfv olunaraq azadlığa buraxıldığını bildirib, lakin onlar arasında çox az sayda çevriliş əleyhinə fəalların olduğunu deyib.
Dövlət yayım şirkəti MRTV xuntanın sədri baş general Min Aunq Hlainqin məhbusları əfv etdiyini, onlar arasında 137 xarici vətəndaşın və onların deportaisya ediləcəyini bildirib.
Məhbusların azadlığa buraxıldığına dair açıqlama hər gün ölkənin de fakto lideri Aunq San Suu Çinin devrilməsinin əleyhinə etirazlar davam etdiyi, hökumətin isə onlara qarşı gücdən istifadə etdiyi bir vaxta təsadüf edib.
Reuters-in verdiyi məlumata görə, təhlükəsizlik qüvvələri şənbə günü Moqok şəhərində iki etirazçını öldürüb. Yerli media orqanları isə ölkənin ən böyük şəhəri Yanqonda bir neçə kiçik bombanın partladığını bildirib.
Siyasi Məhbuslara Yardım Assosiasiyasının bildirdiyinə görə, hökumət etirazları yatırmaq üçün apardığı kampaniya çərçivəsində azı 728 etirazçını və yoldan keçən insanı öldürüb.
Tailand isə şənbə günü Myanma xuntasının rəhbəri Min Aunq Hlainqin aprelin 24-də Cənub-Şərqi Asiya Ölkələri Assosiasiyasının sammitində iştirak edəcəyini elan edib.
Myanmanın qonşuları xunta ilə Suu Çinin devrilmiş hpkuməti arasında danışıqları başlatmağa çalışırlar, amma xunta danışıqlarda iştirak etmək niyyətində olduğuna işarə etməyib.
Tailandın xarici işlər nazirliyinin bildirdiyinə görə, Min Aunq Hlainqdan əlavə ASEAN-ın 10 liderindən bir neçəsi də iclasda iştirak edəcəklərini bildirib.
Xunta Tailanın bu açıqlamasına dərhal münasibət bildirməyib ("Amerikanın səsi").
pia.az
Digərxəbərlər
Populyar xəbərlər
