ABŞ Mərkəzi Kəşfiyyat İdarəsinin (MKİ) direktoru Uilyam Burns Konqres üzvlərinə xəbərdarlıq edib ki, Ukrayna Vaşinqtondan kömək almasa, ilin sonuna kimi məğlub ola bilər...
Poliqon Politico nəşrinə istinadən xəbər verir ki, Cors Buş adına Prezident Mərkəzində keçirilən tədbirdə çıxışı zamanı cənab Börns qanunvericiləri Kiyevə hərbi yardımın ayrılması ilə bağlı qanun layihəsini təsdiq etməyə çağırıb.
“Həm praktiki, həm də psixoloji olaraq hərbi yardımdan əldə ediləcək təkan sayəsində ukraynalılar 2024-cü ilin sonuna qədər dayanmağa və Putinin zamanın onun tərəfində olduğuna dair təkəbbürlü inamını məhv etməyə kifayət qədər qadirdir”, deyə MKİ bildirib.
Börn qeyd edib ki, Konqres yardımı təsdiq etməsə, “mənzərə daha dəhşətli olacaq”.
“Ukraynalıların 2024-cü ilin sonuna qədər döyüş meydanında uduzması və ya heç olmasa Putini siyasi nizamlanmanın şərtlərini diktə edə biləcəyi bir vəziyyətə gətirməsi çox real riskdir”, deyə Uilyam Börns xəbərdarlıq edib.
MKİ direktorunun fikrincə, Ukraynaya dəstək Rusiya ilə müharibə etməkdən fərqli bir şeydir.
“Söhbət həm də Çində Si Tsinpinin ambisiyalarıdan və Hind-Sakit okean regionundakı müttəfiqlərimiz və tərəfdaşlarımızdan gedir. Söhbət, həqiqətən də, rəqiblərimizin bizim etibarlılığımızı və qətiyyətimizi dərk edib-etməməsindən gedir”, deyə Börns əlavə edib.
Poliqon.info
Digərxəbərlər
Populyar xəbərlər
