Mərkəzi Afrika Respublikasında referendum baş tutub?..

Poliqon Frans Press Agentliyinə (AFP) istinadənxəbər verir ki, bu barədə MAR müxalifətinin bəyanatında bildirilir.

Müxalifət baş tutan referendumu “məzhəkə” və “iyrənc uğursuzluq” adlandırıb. Respublikaçılar blokunun koordinatoru Krepin Mboli-Qumba bildirib ki, səsverməyə məhəl qoymadığı üçün xalq müxalifətin yanındadır.

Eyni zamanda, Milli Assambleyanın sədri və parlamentdə prezident çoxluğunun nümayəndəsi Evariste Nqamana seçicilərin 70%-nin seçki məntəqələrinə gəldiyini açıqlayıb.Parlament sədri qeyd edib ki, iştirakçıların 90%-i yeni konstitusiyaya səs verib.

MAR-da olan AFP jurnalistləri referendum zamanı səhər seçici fəallığının aşağı olduğunu qeyd ediblər.

Qeyd edilir ki, səlahiyyətlilərin nəticələri dərc etmək üçün səkkiz gün vaxtı var.

Poliqon.info