İtaliyanın ən məşhur şəhərlərindən biri canavar istilasından əziyyət çəkir...

Poliqon xəbər verir ki, bu barədə The Telegraph qəzetinin məlimatında bildirilir. Nəşr yazır ki, Romadan təxminən 220 kilometr şimalda yerləşən Siena şəhərinin kənarında canavarların küçələrdə qayğısız gəzməsi getdikcə daha çox müşahidə olunur.

Ən son belə hadisə yanvarın sonunda, Toskana şəhərinin şimal kənarında, Porta Kamolliyada bir cüt yırtıcı müşahidə edildikdə baş verib.

Onları mobil telefonu ilə şəklini çəkə bilməyən avtomobil sürücüsü görüb. Lakin o, səlahiyyətlilərə xəbər verib və səlahiyyətlilər hadisə yerində canavar ovuna başlayıblar.

Soz zamanlar isə Sienada ev heyvanları, xüsusən də pişiklər itkin düşüb. İtaliyada canavarların sevimli ovlarından olan cüyürlərin parçalanmış qalıqları isə yaxınlıqdakı kəndlərdə tapılıb.

Vəziyyət o qədər narahatlığa səbəb olub ki, şəhər şurası bu həftə Toskana regional hökumətindən və milli orqan olan Ali Ətraf Mühit və Tədqiqat İnstitutundan kömək istəyib.

Canavarların mövcudluğuna səbəb olan amillərdən biri Siena kənarındakı kənd təsərrüfatı torpaqlarının çoxunun artıq becərilməməsidir. Şəhər meri bildirib ki, həmin ərazilər cüyür və çöl donuzu üçün məskunlaşan, canavarları cəlb edən kol-kosluğa çevrilib.
Sakinlərə həmçinin gecələr ev heyvanlarını qapalı yerlərdə saxlamaq və canavarları cəlb edə biləcək yemək qalıqlarını atmamaq tövsiyə olunub.

Avropa qanunları qadağan etdiyi üçün canavarları tələyə salmaq və ya güllələmək olmaz.

Poliqon.info