İtaliya Aİ-nin liderlik vəzifələrinə iki namizədi dəstəkləməyib

İtaliya Portuqaliyanın keçmiş baş naziri Antonio Kosta və Estoniyanın baş naziri Kaya Kallasın Avropa İttifaqı Şurasının rəhbəri və Avropa İttifaqının Xarici Əlaqələr üzrə Ali Nümayəndəsi vəzifələrinə irəli sürülməsini dəstəkləməyib. Baxmayaraq ki, onların namizədliyi daha əvvəl təsdiqlənib.

Poliqon xəbər verir ki, bu barədə TASS məlumat yayıb.

İtaliyanın baş naziri Corcia Meloni razılaşmanın "paket təyinat" yanaşmalarını bölüşmədiyini vurğulayıb. Onun fikrincə, bu cür üsullar səhvdir, ona görə də onları dəstəkləməyəcək.

Bundan əvvəl Avropa İttifaqı Şurasının səlahiyyət müddəti başa çatan rəhbəri Şarl Mişel bildirib ki, Avropa İttifaqının (Aİ) dövlət və hökumət başçıları növbəti beş il üçün Aİ-nin rəhbər vəzifələrinə təyinatları təsdiqləyiblər.

Onun sözlərinə görə, Ursula fon der Leyen yenidən Avropa Komissiyasının sədri təyin edilib, Portuqaliyanın keçmiş baş naziri Antonio Kosta Avropa İttifaqı Şurasının rəhbəri, Estoniyanın baş naziri Kaya Kallas isə Aİ diplomatiyasının rəhbəri olub.

Poliqon.info