Azərbaycan İstiqlal muzeyində 44 günlük Vətən müharibəsində qazanılan tarixi qələbənin ikinci ildönümü ilə əlaqədar Zəfər həftəsi (01-05.11.2022) çərçivəsində silsilə tədbirlər davam edir...
Həftə çərçivəsində 5 noyabr 2022 – ci il tarixində Azərbaycan İstiqlal Muzeyində “Tolerant ölkənin Qələbə marşı” adlı tədbir – sərgi keçirildi.
44 günlük Vətən müharibəsində ölkəmizin ərazi bütövlüyünün təmin edilməsi, haqq və ədalətin bərpası zamanı xalqımızla yanaşı əsrlər boyu Azərbaycanda sülh-əminamanlıq şəraitində yaşayan müxtəlif millətlərin və dinlərin təmsilçiləri də qəhrəmanlıq nümayiş etdiriblər.
Qarabağ müharibəsi Azərbaycan cəmiyyətinin fərqli dini və etnik-milli mənsubiyyətinə baxmayaraq həmrək olduğunu bir daha dünyaya sübut etdi.
Əldə olunan möhtəşəm zəfərdən illər keçsə də heç bir zaman rəşadətli Azərbaycan Ordusunun şücaəti, xalqımızın birliyi yaddaşlardan silinməyəcək, gələcək nəsillərə qoyulan bu qəhrəmanlıq mirası daima uca tutulacaq.
Sərgidə müxtəlif dini,etnik-milli mənsubiyyətinə aid olmasına baxmayaraq Azərbaycan ordusunda xidmət edən, torpaqlarımızın azad olunması uğrunda qəhrəmancasına şəhid olan kiçik çavuş Rəhimov Nurlan (Talış), əsgər İrapov İsmayıl (İngiloy), Babayev Samsun (Qaraçı), Denis Aleksandroviç (Rus), Qurbanov Elvin (Ləzgi), Cəfərov Ruslan (Ləzgi), Əhmədov Mahmuda (Azərbaycanlı) məxsus, muzeyin fondlarında qorunub saxlanılan şəxsi əşyalar, o cümlədən fərqli dinlərə aid əşyalar nümayiş olundu .
Tədbirdə şəhid ailələri, qazilər, DOST İnklüziv İnkişaf və Yaradıcılıq Mərkəzinin, Birkönüllü tələbə təşkilatının könüllüləri, “İrəli İctimai Birliyi”nin üzvləri və digər qonaqlar iştirak etdilər.
Fotolar
pia.az