İrandakı insan haqları qrupları bildirirlər ki, Mehran Samak İranın ABŞ-la oyunda məğlubiyyətini qeyd etmək məqsədilə avtomobilində siqnal verdiyinə görə, təhlükəsizlik qüvvələri tərəfindən öldürülüb…
PİA.az xəbər verir ki, bu barədə The Guardian məlumat yayıb.
Qətərdə və İranda stadionun daxilində və xaricində hökumət əleyhinə nümayişlər keçirilərkən İran milli komandası ABŞ-a uduzaraq dünya çempionatını tərk etdikdən sonra bir iranlı təhlükəsizlik qüvvələri tərəfindən güllələnib.
Hüquq müdafiəçilərinin bildirdiyinə görə, Tehranın şimal-qərbində, Xəzər dənizi sahilində yerləşən Ənzəli şəhərində 27 yaşlı Mehran Samak oyun bitdikdən sonra avtomobilində siqnal verdikdən sonra təhlükəsizlik qüvvələri tərəfindən güllələnərək öldürülüb.
Osloda yerləşən İran İnsan Haqları (IHR) qrupu bildirib ki, Samak “milli komandanın Amerikaya məğlubiyyətindən sonra təhlükəsizlik qüvvələri tərəfindən birbaşa hədəfə alınıb və başından vurulub”.
Qeyd edək ki, ABŞ-la İran arasında 40 ildən artıq bir müddətdə diplomatik əlaqələri kəsilib. Sentyabr ayında 22 yaşlı kürd qadın Məhsa Əmininin həbsdə öldürülməsindən sonra başlayan etirazlarla bağlı İki ölkə arasında gərginlik daha da artıb.
İran İnsan Haqları qrupunun məlumatına görə, İranın təhlükəsizlik qüvvələri etirazların yatırılması zamanı 60-ı 18 yaşdan kiçik uşaq və 29 qadını olmaqla, ən azı 448 nəfəri öldürüb.
ABŞ matçında oynayan və Ənzəlidən olan iranlı yarımmüdafiəçi Saeid Ezatolahi Samakı tanıdığını açıqlayıb və onların gənclərdən ibarət futbol komandasında olarkən birlikdə çəkdirdikləri şəklini yayımlayıb.
Ezatolahi İnstaqramda Samakı “uşaqlıq komanda yoldaşı” kimi təqdim edərək, “Dünən gecəki məğlubiyyətdən sonra sənin vəfat xəbərin ürəyimi yandırdı”, deyə yazıb.
Nyu-Yorkda yerləşən İran İnsan Haqları Mərkəzi (CHRI) də Samakın sevinç işarəti verrərkən təhlükəsizlik qüvvələri tərəfindən öldürüldüyünü bildirib. CHRI çərşənbə günü Samakın Tehranda dəfn mərasimindən video yayımlayıb. Həmin videoda dəfn mərasimində iştirak edənlərin “diktatora ölüm” qışqırdığını eşidilir. Qeyd edək ki, İranın ali dini lideri Ayətullah Əli Xameneyiyə ünvanlanan bu şüar etirazların əsasını təşkil edir.
pia.az
Digərxəbərlər
Populyar xəbərlər
