Ekspert hesab edir ki, FTX artıq uduzub və Gerasimovla Şoyqu mövqelərini kifayət qədər möhkəmləndirib...
“İndi heç kim Rusiyanın müdafiə naziri Sergey Şoyqu və Baş Qərargah rəisi Valeri Gerasimovu işdən çıxarmayacaq. Çünki onlar indi kifayət qədər ciddi yüksəlişdədirlər və mövqelərini gücləndiriblər. Sadəcə Sergey Surovikinin Aerokosmik Qüvvələrinin baş komandanı vəzifəsindən azad edilməsi Federal Təhlükəsizlik Xidmətinin (FTX) məğlubiyyətidir. Çünki o, müstəsna olaraq FTX generalıdır”.
Poliqon xəbər verir ki, bunu Ukrayna Hərbi Hüquqi Araşdırmalar Mərkəzinin rəhbəri Aleksandr Musyenko deyib.
Ekspert general Sergey Surovikinin Rusiya Federasiyasının Aerokosmik Qüvvələrinin baş komandanı vəzifəsindən azad edilməsinin FTX ilə Müdafiə Nazirliyi arasında münasibətlərə necə təsir edəcəyi barədə danışıb. Xüsusən də Surovikinin işdən çıxarılması kontekstində jurnalistlər ekspertdən “Kreml sütunlarının çatlaması” ilə bağlı məlumatı şərh etməyi xahiş ediblər.
Bir müddətdir FTX Valeri Gerasimov və Sergey Şoyqunun işdən çıxarılmasını tələb edirdi. Lakin ekspert hesab edir ki, FTX artıq uduzub və Gerasimovla Şoyqu mövqelərini kifayət qədər möhkəmləndirib.
O, xatırladıb ki, Surovikinin Ukraynaya qarşı müharibənin tərəfdarları olan qruplaşmada yer alıb. Xüsusən də hidrogen bombası və s. silahlardan istifadə ilə hədələyən rus generalı idi.
“Düşünürəm ki, indi növbəti mübarizə başlayacaq. İstisna etmirəm ki, FTX Müdafiə Nazirliyini gözdən salmaq üçün hansısa təxribat yaradacaq və bu, bizim üçün (Ukrayna) çox yaxşıdır”, deyə ekspert vurğulayıb.
Qeyd edək ki, avqustun 22-də Sergey Surovikinin 2017-ci ildən tutduğu Rusiya Federasiyasının Aerokosmik Qüvvələrinin baş komandanı vəzifəsindən uzaqlaşdırıldığı barədə məlumat yayılıb. 2022-ci il oktyabrın 8-dən "Vaqner"in fəxri üzvü olan bu rus generalı Ukraynaya qarşı müharibəyə rəhbərlik edib. 2023-cü il yanvarın 11-də Rusiyanın müdafiə naziri Sergey Şoyqu onu tutduğu vəzifədən uzaqlaşdırıb. Sonra Rusiya Baş Qərargahının rəisi Valeri Gerasimov Ukraynadakı rus qoşunlarının birləşmiş qruplaşmasının komandiri, Surovikin isə onun müavini təyin edilib.
Poliqon.info
Digərxəbərlər
Populyar xəbərlər
