İsrailin baş naziri Benyamin Netanyahu Almaniyanın nasist lideri Adolf Hitlerin taleyi yaşaya bilər...
Poliqon xəbər verir ki, bu sözləri Türkiyənin xarici işlər naziri Hakan Fidan X sosial şəbəkəsindəki səhifəsində yazıb.
"Soyqırımçı Netanyahunun sonu soyqırımçı Hitlerin sonu ilə eyni olacaq", deyən Türkiyə XİN başçısı bəşəriyyətin fələstinlilərin tərəfində olacağını vurğulayıb.
"Soyqırımçı Hitlerin sonunun çatdığı kimi, soyqırımçı Netanyahu da sona çatacaq. Necə ki, soyqırım törədən nasistlər buna görə cavab verdilər, fələstinliləri məhv etməyə cəhd edənlər də cavab verəcəklər. Bəşəriyyət fələstinlilərin yanında olacaq. Fələstinliləri məhv edə bilməyəcəksiniz", deyə nazir bildirib.
Türkiyə Xarici İşlər Nazirliyinin rəhbərinin sözlərinə görə, prezident Rəcəb Tayyib Ərdoğan Fələstin xalqını dəstəkləməklə insanlığın vicdanının səsinə çevrilib:
"Prezidentimiz bəşəriyyətin vicdanının səsinə çevrilib. Bu haqq səsi boğmaq istəyən beynəlxalq sionist dairələr, xüsusən də İsrail böyük təşviş içindədir. Tarix bütün soyqırımlar və onların tərəfdarları üçün eyni şəkildə başa çatıb".
Bundan əvvəl Ərdoğan Türkiyənin İsrailə qoşun göndərə biləcəyini demişdi. Onun sözlərinə görə,“belə addımlar atmaq üçün Türkiyə güclü olmalıdır:
"Necə ki, Qarabağa, Liviyaya girmişik, onlara da eynisini edəcəyik. Edilməyəcək bir şey yoxdur. Yalnız biz güclü olmalıyıq ki, bu addımları ata bilək. Əgər biz bu gün İsrailə qarşı ən sərt bəyanatı veririksə, onlarla bütün ticarətimizi kəsmişiksə, əlaqələrimizi kəsmişiksə, demək bundan artığını da edə bilərik".
Poliqon.info
Digərxəbərlər
Populyar xəbərlər
