Fransanın üç departamentinə - Müdafiə Nazirliyi, Xarici İşlər Nazirliyi və Maliyyə Nazirliyinə Ukraynaya yardımın maliyyələşdirilməsi üçün büdcə vəsaitlərini yönləndirmək və qənaət etmək tapşırılıb...
Poliqon xəbər verir ki, bu barədə Bloomberg Agentliyi mənbələrə istinadən məlumat yayıb. Mənbələrin sözlərinə görə, xərclərin azaldılması fonunda Fransa Ukraynaya vəsait ayırmaqda çətinliklərlə üzləşib.
Mənbələrə görə, 2024-cü ilin büdcəsinə düzəlişlər edilmədən Ukraynaya vəsait ayrılmalıdır. Bloomberg qeyd edir ki, Müdafiə Nazirliyi üçün 2027-ci ilə qədər ayrılan 400 milyon avro xarici ölkələrə yardım göstərməyi nəzərdə tutmur.
Agentlik yazır ki, ötən həftənin sonunda Fransa hökuməti 2024-cü il üçün ÜDM proqnozunu aşağı salıb və büdcə kəsirini örtmək üçün 10 milyard avroya qənaət etmək lazım olduğunu açıqlayıb. Bundan əlavə, hakimiyyət qiymət artımına və ölkəyə ucuz malların idxalına etiraz edən fransız fermerlərinə dəstək üçün vəsait ayıracağını vəd edib.
Qeyd edək ki, fevralın 16-da Parisdə Ukrayna və Fransa prezidentləri Vladimir Zelenski və Emmanuel Makron təhlükəsizlik sahəsində əməkdaşlıq haqqında ikitərəfli saziş imzalayıblar. Razılaşmadan belə nəticə çıxır ki, Fransa 2024-cü ildə Ukraynaya 3,24 milyard avro əlavə hərbi yardım verəcək, əsgərlərə təlimkeçəcək və daha çox silah göndərəcək.
Poliqon.info
Digərxəbərlər
Populyar xəbərlər
