Fənn olimpiadalarının qalibləri arasında rus bölməsindən şagirdlərin az olmağının səbəbi açıqlanıb

APA xəbər verir ki, bunu Təhsil İnstitunun direktor müavini Fuad Qarayev deyib.

O bildirib ki, buna səbəb lisey və gimnaziyaların rus bölməsinin az olmasıdır:

"Rus dilində yaxşı şagird hazırlaşdıracaq mütəxəssislərimiz azdır. Beynəlxalq hazırlıq mərkəzlərində müəllimlərimizin əksəriyyəti ya ingilis dillidir, ya da azərbaycan dillidir. Rus dilli müəllimlərimiz azdır".

Fuad Qarayev əlavə edib ki, Respublika fənn olimpiadaları spesifik sahədir:

"Burada bizim üçün vacib olan məsələ şagirdlərin rus dilində və ya ana dilində təhsil almasından daha çox, onların beynəlxalq olimpiadalara hazırlıq prosesidir. Respublika fənn olimpiadalarının keçirilməsində məqsədlərdən biri də beynəlxalq olimpiadada iştirak edəcək namizəd şagidləri müəyyən etməkdən ibarətdir".

Poliqon.info