Netanyahu höküməti Qəzza zolağından olan fələstinli işçilərin İsrailə daxil olmasını qadağan edib...
Fələstinin HƏMAS hərəkatı ilə müharibənin başladığı gün ölkədə olan işçiləri Qəzza zolağına geri göndəriləcəklər.
Poliqon xəbər verir ki, bu barədə İsrailin Baş nazirliyinin mətbuat xidməti X sosial şəbəkəsində bildirib. Bu barədə hökümət qərar verib.
“İsrailin hərbi-siyasi kabineti bu gün Qəzza zolağı üçün nəzərdə tutulan bütün vəsaitləri Fələstin Administrasiyasının vəsaitindən çıxmağa qərar verib”, deyə Baş nazirin ofisinin mətbuat xidməti əlavə edib.
The Times of Israel qəzeti xəbər verib ki, söhbət Fələstin Milli Administrasiyasını maliyyələşdirmək üçün toplanan vergilərdən gedir. Vəsait yalnız İordan çayının qərb sahilində yerləşən Fələstinin Ramallah şəhərinin xəzinəsinə daxil olacaq.
Nəşr “Kan 11” telekanalının müxbirinə istinadən yazır ki, İsrailin Qəzzadan kəsdiyi vəsaitin məbləği 100 milyon şekelə (təxminən 25,1 milyon dollar) çatır. The Times of Israel yazır ki, ABŞ İsraili pulu Fələstin Milli Administrasiyasına köçürməyə çağırıb.
Qeyd edək ki, müharibədən əvvəl Qəzzadan olan fələstinli işçilər hər gün Erez keçidindən İsrailə keçirdilər. Oktyabrın 7-də Erezə hücum da daxil olmaqla, HƏMAS-ın İsrail ərazisinə hücumu başlamışdı.
Poliqon.info