Qanunsuz erməni silahlılarının tərksilah edilməsi prosesi nə qədər sürə bilər?..
“Hazırda rusların müvəqqəti məsuliyyət zonasında kifayət qədər mülki şəxslərin də əlində silahlar var və silahların da təmizlənməsi üçün müəyyən zamana ehtiyac var”.
Bu sözləri hərbi-ekspert Ədalət Verdiyev Ermənistanın Baş nazirinin erməni silahlıların Azərbaycan ordusu qarşısında öz postlarında durmasını açıqlamasını Poliqon-a şərh edərkən qeyd edib.
Dünən axşam saatlarında Ermənistanın Baş Naziri Nikol Paşinyan Qarabağla bağlı bir sıra açıqlamalar verib. Açılamalarda diqqətçəkən məqamlardan biri də Paşinyanın Qarabağda atəşkəsin qorunduğunu və erməni silahlıların Azərbaycan ordusu qarşısında öz postlarında durması haqqında söylədikləri oldu.
Qanunsuz erməni silahlılarının tərksilah edilməsi prosesi nə qədər sürə bilər və hazırda erməni silahlılarının postda olması hansı anlama gəlir?
Azərbaycan və Ermənistan ordusunun son mövqelərini Poliqon-un əməkdaşı hərbi-ekspert Ədalət Verdiyev ilə müzakirə edib.
Ədalət Verdiyev: “Paşinyan belə bir açıqlama verməsi ilə bağlı bildirmək istəyirəm ki, Azərbaycanın tələbləri hələ də yerinə yetirilməyib”.
Yaxın bir ay ərzində erməni silahlılarının tərksilah edilməsi, onların əlində silah, texnika, vasitə və avadanlıqların Azərbaycana təhvil verilməsi prosesinin başa çatmasını proqnoz edən ekspert Poliqon-a açıqlamasında qeyd edib ki, bu vaxt ərazində silahlıların da Azərbaycan ərazilərindən çıxarılması başa çata bilər:
“Tərkisilah prosesinin ilk mərhələsi yaxın həftə ərzində başa çata bilər. Amma nəzərə almalıyıq ki, hazırda rusların müvəqqəti məsuliyyət zonasında kifayət qədər mülki şəxslərin də əlində silahlar var və silahların da təmizlənməsi üçün müəyyən zamana ehtiyac var.
Hər bir halda yaxın bir ay ərzində erməni silahlılarının tərksilah edilməsi, onların əlində silah, texnika, vasitə və avadanlıqların Azərbaycana təhvil verilməsi, silahlıların Azərbaycan ərazilərindən çıxarılması başa çata bilər.
Paşinyan belə bir açıqlama verməsi ilə bağlı bildirmək istəyirəm ki, Azərbaycanın tələbləri hələ də yerinə yetirilməyib. Ermənistanın baş naziri demək istədi ki, Azərbaycan bu şəxslərin tərksilah edilməsini həyata keçirməlidir”.
Nərminə UMUDLU
Poliqon.info