Çində avtomobil yolunun çökməsi nəticəsində ölənlərin sayı 36-ya çatıb

Poliqon xəbər verir ki, bu barədə Çinin “Sinxua Agentliyi məlumat yayıb. Hazırda dağılmış körpünün dağıntıları altında 23 avtomobil var.

“Mayın 2-si Moskva vaxtı ilə saat 5:30-a olan məlumata görə, Çinin cənubundakı Quanqdonq əyalətində avtomobil yolunun bir hissəsinin uçması nəticəsində ölənlərin sayı 36-ya çatıb. Daha 30 nəfər xəstəxanada müalicə olunur, onlardan heç birində həyati təhlükə yoxdur”, deyə Agentlik yerli hakimiyyət orqanlarına istinadən xəbər verir.

Xatırladaq ki, mayın 1-nə keçən gecə yerli vaxtla təxminən saat 02:10-da Meyçjou-Dabu magistralının hissəsində avtomobil yolu çöküb. Nəticədə körpüdə olan avtomobillər yaranan çuxura düşüb, bəzi avtomobillər yanıb. Yolun dağılmış hissəsinin uzunluğu təqribən 18 m, sahəsi 184 kvadratmetrdir.

Poliqon.info