Çinin xarici işlər nazirinin müavini Sun Veydonq Pekinin Çin-Avropa İttifaqı sammitinə hazırlaşmaq üçün alyansla koordinasiyanı gücləndirməyə hazır olduğunu açıqlayıb...
Poliqon bu barədə “RİA Novosti” Agentliyi istinadən xəbər verir.
Çin və Avropa İttifaqı arasında xarici siyasət məsləhətləşmələrinin 16-cı raundu çərçivəsində Pekində Sun Veydonq və Avropa İttifaqı Xarici Xidmətinin baş katibinin müavini Enrike Mora arasında görüş keçirilib.
“Pekin ilin sonuna qədər Çin və Avropa İttifaqı liderləri arasında görüşə hazırlaşmaq üçün Avropa tərəfi ilə əlaqələri və koordinasiyanı gücləndirməyə hazırdır”, deyə Sun Veydon bildirib.
XİN nümayəndəsi həmçinin qeyd edib ki, Çin və Avropa İttifaqı arasında münasibətlər həm yeni imkanlar, həm də yeni çağırışlarla üz-üzədir. Nazir müavini qarşılıqlı faydanın qorunub saxlanılmasının və bir-birinin əsas maraqlarına hörmət edilməsinin vacibliyini vurğulayıb.
Enrike Mora isə bildirib ki, Avropa tərəfi “vahid Çin” prinsipinə sadiqdir və Avropa İttifaqı ilə Pekin arasında konstruktiv və sabit münasibətləri inkişaf etdirmək üçün Çinlə əməkdaşlığa hazırdır.
Bundan əvvəl Bloomberg mənbələrə istinadən dekabrın 7-8-də Pekində Avropa İttifaqı ilə Çin arasında təkbətək sammit keçirməyi planlaşdırdığını bildirmişdi. Bununla belə, Pekin Avropa Komissiyasının rəhbəri Ursula fon der Leyen və Avropa İttifaqı Şurasının rəhbəri Şarl Mişelin iştirak etmək niyyətində olduqları görüşün tarixini və yerini hələlik təsdiqləməyib.
Poliqon.info
Digərxəbərlər
Populyar xəbərlər
