Bayden Netanyahunu HƏMAS-la razılaşmağa və Qəzzada atəşkəsə çağırıb

Poliqon xəbər verir ki, bu barədə Ağ Evin mətbuat xidmətinin məlumat yayıb. Tərəflər Qəzza zolağında atəşkəs razılaşmasını və anklavlara humanitar yardımın çatdırılmasını müzakirə ediblər.

Ağ Evin mətbuat xidməti bildirib ki, İsrailin baş naziri ilə görüşündə Co Bayden girovların tezliklə azad edilməsi üçün “qalan boşluqları aradan qaldırmaq” və Fələstinin HƏMAS hərəkatı ilə razılaşmanın zəruriliyini bildirib. Prezident həmçinin ABŞ-ın İran, “Hizbullah” və Husilərdən gələn bütün təhdidlərdən İsrailin təhlükəsizliyinə sadiqliyini təsdiqləyib.

Xatırladaq ki, İsrail və HƏMAS arasında danışıqlar bir neçə aydır ki, davam edir. ABŞ prezidentinin təklif etdiyi üç mərhələli atəşkəs sazişi layihəsində 116 israilli girovun azad edilməsi üçün tərəflərin Qəzzadan İsrail qoşunlarının tamamilə çıxarılması ilə hərbi əməliyyatların yekun dayandırılması barədə razılığa gələcəyi nəzərdə tutulur. Lakin İsrail döyüşlərin qeyri-müəyyən müddətə dayandırılmasına, eləcə də anklavda nəzarətin HIƏMAS-da qalmasına razı olmayıb.

Reuters Agentliyinin mənbələrinin məlumatına görə, atəşkəs danışıqları İsrailin irəli sürdüyü yeni şərtlərlə çətinləşib. Xüsusilə İsrail tərəfi bəyan edib ki, mülki şəxslər Qəzza zolağının cənubundan şimala keçərkən yoxlamalardan keçməlidirlər. HƏMAS bu tələbi yerinə yetirməkdən imtina edib.

Poliqon.info