Ukrayna əsgərləri Krımda Rusiya ordusunu təchiz edən və mayeləşdirilmiş qaz daşıyan “Slavyanin” dəmir yolu bərəsini zədələyib...
Poliqon xəbər verir ki, bu barədə Britaniya hərbi kəşfiyyatının hesabatında deyilir.
“2024-cü il iyulun 23-də Ukrayna qüvvələri Rusiyanın “Kavkaz” limanında “Slavyanin” dəmir yolu bərəsini zədələyib. Bu zərbə, demək olar ki, Rusiya üçün Ukraynanın cənubundakı işğalçı qüvvələrin təchizatında və maye qazın regional ixracında əlavə logistik problemlər yaradacaq”, deyə hesabatda qeyd olunur.
Hesabatda qeyd edilir ki, mayın sonunda Ukraynanın hücumu nəticəsində daha iki oxşar gəmiyə ciddi ziyan dəydiyi üçün “Slavyanin” bərəsi bu tipli yeganə gəmi kimi “Kavkaz” limanına göndərilib. Britaniya kəşfiyyatı hesab edir ki, Rusiya ordusu indi təchizatı bərpa etmək üçün Kerç boğazı üzərindən körpüdən istifadə etməyə məcbur olacaq.
“Çox güman ki, Rusiya 2022-ci ilin oktyabrında körpüyə hücumdan sonra yanacaq qatarlarının Kerç körpüsü ilə hərəkətini riskə atmalı olacaq”, deyə hesabatda vurğulanır.
Poliqon.info