Almaniya İngiltərənin ərəb ölkəsinə döyüş təyyarələri satmasının əleyhinə deyil

Poliqon Reuters Agentliyinə istinadən xəbər verir ki, bunu Almaniyanın xarici işlər naziri Annalena Berbok deyib. Nazir qeyd edib ki, bu təyyarələrin Ər-Riyad tərəfindən istifadəsi regionda sabitliyin əsasını təşkil edir.

"Almaniya hökumətinin Britaniyanın Səudiyyə Ərəbistanı üçün daha çox "Eurofighters" satmaq təklifinə qarşı çıxacağını düşünmürən", deyə XİN başçısı bildirib.

Xarici işlər naziri həmçinin insan haqları ilə bağlı narahatlıqları və Səudiyyə Ərəbistanının Yəmənin Qırmızı dənizdəki üsyançı Ənsar Allah (Husi) hərəkatının hücumlarını əhatə edən münaqişədəki rolunu vurğulayıb. O, Fələstin-İsrail münaqişəsinin başlamasından sonra Yaxın Şərqin 7 oktyabrdan bəri tamamilə fərqli bir yerə çevrildiyini deyib.

Eyni zamanda, agentlik qeyd edir ki, Almaniya kansleri Olaf Şolts Səudiyyə Ərəbistanına "Eurofighter" qırıcılarının tədarükünə qarşı çıxıb.
"Eurofighter" çoxməqsədli qırıcıları Almaniya, Böyük Britaniya, İtaliya və İspaniya da daxil olmaqla bir sıra ölkələr tərəfindən idarə olunur.

Poliqon.info