NATO-nun Şaş katibi Yens Stoltenberq Avropa Komissiyasının rəhbəri Ursula fon der Leyen və Avropa Şurasının prezidenti ilə birlikdə yanvarın 10-da Brüsseldə yeni əməkdaşlıq bəyannaməsi imzalayacaq…
PİA.az xəbər verir ki, bu barədə Avstriyanın Die Presse nəşrinin yaydığı məlumatda bildiririr. Qəzetin yazdığına görə, yeni Aİ və NATO rasında əməkdaşlığı daha da sıxlaşdıracaq yeni sənəd 14 bənddən ibarətdir.
Qarşılaşdığımız təhlükəsizlik təhdidlərin və çağırışların miqyası artdıqca biz tərəfdaşlığımızı növbəti səviyyəyə qaldırırıq”, deyə Aİ və NATO-nun birgə bəyanatında deyilir.
Sənədə əsasən, Aİ və NATO hərbi əməkdaşlığı “daha yüksək səviyyəyə” çıxarmağa, eyni zamanda “ümumi məqsədlərə nail olmaq üçün istər siyasi, istər iqtisadi, istərsə də hərbi sahədə bütün mövcud ümumi alətləri” səfərbər etməyə sadiqdirlər.
Bəyannamədə Avropa İttifaqı ilə hərbi-siyasi blok arasında strateji əlaqələrin gücləndirilməsi üçün əsas kimi Rusiya və Çinlə “geostrateji rəqabətin artması”, habelə “kritik infrastrukturların qorunması” qeyd olunur.
Bundan əlavə, tərəflər iqlim dəyişikliyi, həmçinin məlumatların manipulyasiyası və xaricdən müdaxilə ilə mübarizədə əməkdaşlığı gücləndirmək istəyirlər. Həmçinin bəyannamədə Aİ və NATO arasında kosmos sahəsində tərəfdaşlığın genişləndirilməsi nəzərdə tutulur.
Bəyannamədə NATO və Aİ yenidən Rusiyanı Ukraynadakı müharibəni dərhal dayandırmağa çağırıb. Tərəflər Kiyevə hərbi və maliyyə dəstəyi ilə bağlı gələcək planları da təsdiqləyiblər.
pia.az