Avropa İttifaqının yüksək rütbəli rəsmiləri Avropa Komissiyasının sədri Ursula fon der Leyenin assosiasiyaya üzv ölkələrin möveyini nəzərə almayaraq, öz səlahiyyətlərindən kənara çıxmasından narazıdırlar...
Poliqon xəbər verir ki, bu barədə Politco nəşri Avropa İttifaqının ən yaxın məsləhətçilərinin rəyinə istinadən yazır.
Nəşrin yazdığına görə, Ursula fon der Leyen İsrailə planlaşdırılmamış səfər etdikdən sonra ondan narazılıq kritik həddə çatıb və bu, avropalı diplomatların tənqidinə səbəb olub.
Bir neçə Politico mənbələrinin bildirdiyinə görə, AK rəhbəri HƏMAS hücumlarından zərər çəkənlərlə həmrəylik ifadə edib, lakin səfəri zamanı İsrailə Qəzzada beynəlxalq qanunlara hörmət etmək çağırışlarını çatdırmayıb.
Oxşar davranış sanksiyaların elanı zamanı və ya Ukrayna ilə bağlı məsələlərdə müşahidə olunub. Avropa rəsmiləri qeyd edirlər ki, AK rəhbəri onlarla məsləhətləşmədən sadəcə qərarlar qəbul edib.
“O, getdikcə daha çox kraliça kimi davranır”, deyə nəşrin mənbəsi bildirib.
Avropa İttifaqı rəsmilərinin onun fəaliyyətindən məyus olması gələn ilin iyununda keçiriləcək Avropa Parlamenti seçkilərindən sonra fon der Leyen Avropa Komissiyasının rəhbəri vəzifəsinə yenidən seçilmək şansını təhlükə altına qoya bilər.
“İndiyə qədər heç bir lider birbaşa fon der Leyeni dəstəyini dayandırmaqla hədələməsə də, onu tənqid edənlər arasında məyusluq ikinci müddət üçün yekdil dəstək istəsə, problem yarada bilər”, deyə Politico qeyd edir.
Poliqon.info
Digərxəbərlər
Populyar xəbərlər
