Brüssel digər tərəfdaşları da BCM-nin Roma Əsasnaməsinin ratifikasiyasına qoşulmağa çağırır...
Avropa İttifaqı Ermənistanın Beynəlxalq Cinayət Məhkəməsinin (ICC) Roma Statutunu ratifikasiya etməsini alqışlayır.
Poliqon xəbər verir ki, bu barədə Avropa diplomatiyasının rəhbəri Cosep Borrelin Ermənistan parlamentinin dünənki qərarı ilə bağlı dərc olunmuş bəyanatında deyilir. Borrel həmçinin sənədi hələ ratifikasiya etməmiş bütün dövlətləri İrəvandan nümunə götürməyə çağırıb.
“Roma Statutuna hər bir qoşulma beynəlxalq ictimaiyyəti ümumbəşəri iştiraka yaxınlaşdırır və cəzasızlığa son qoymaq və hesabatlılıq mədəniyyətini inkişaf etdirmək üçün ortaq qətiyyəti gücləndirir”, deyə Borrelin yaydığı bəyanatda deyilir.
Qeyd edək ki, oktyabrın 3-də Ermənistan Milli Assambleyası BCM-nin Roma Əsasnaməsini ratifikasiya edib. Bu sənəd hazırda Rusiya ilə Ermənistan arasında əsas gərginlik mənbəyidir. Çünki BCM Rusiya prezidenti Vladimir Putini hərbi cinayətdə təqsirli bilərək onun haqqında həbs orderi çəxarıb.
Poliqon.info
Digərxəbərlər
Populyar xəbərlər
