Ağ Ev Konqresə İsrail, Ukrayna, Tayvana yardım və ABŞ sərhədlərinin qorunması üçün vəsait daxil olmaqla əlavə maliyyə tələbi hazırlayır...
Poliqon xəbər verir ki, NBC telekanalı iki konqres rəsmisinə istinadən yazır.
Administrasiya rəsmiləri bildiriblər ki, tələb İsrail, Ukrayna və Tayvanın hərbi dəstəyinə əlavə silah istehsalı üçün vəsait istəməsi ilə Müdafiə Nazirliyinin ehtiyatına yerləşdirəcəyi gərginliyi aradan qaldıracaq.
Çərşənbə günü Ağ Evdə keçirilən mətbuat konfransında Milli Təhlükəsizlik Şurasının sözçüsü Con Kirbi jurnalistlərə "aktiv danışıqların" davam etdiyini bildirərək, bütün maliyyə sorğularının birləşdirilməsinin mümkünlüyünü bildirib.
NBC-nin verdiyi məlumata görə, Nümayəndələr Palatasının Xarici Əlaqələr Komitəsinin sədri Maykl Makkaul İsrail, Ukrayna və Tayvana yardım, habelə ABŞ-Meksika sərhədində əlavə təhlükəsizlik üçün maliyyə vəsaiti daxil edilən paketə açıq olduğunu bildirib.
Eyni zamanda Nümayəndələr Palatasının bəzi respublikaçıları bu ideyaya qarşı olduqlarını bildiriblər.
Qeyd edək ki, bundan əvvəl media Ağ Evin Ukrayna və İsrailə yardımı bir paketdə birləşdirmək imkanını nəzərdən keçirdiyini və bunun Konqres tərəfindən qəbul edilməsi şansını artıra biləcəyini yazıb.
ABŞ prezidentinin milli təhlükəsizlik üzrə müşaviri Ceyk Sallivan qeyd edib ki, Birləşmiş Ştatlar eyni vaxtda həm Ukraynaya, həm də İsrailə hərbi yardım göstərmək iqtidarındadır, ona görə də son günlər baş verən hadisələr Kiyevi Vaşinqtonun dəstəyini itirməsi ilə hədələmir.
Poliqon.info
Digərxəbərlər
Populyar xəbərlər
