Afrikanın bütövlükdə Rusiyaya meyl etməsi ilə bağlı hər hansı fikir açıq-aşkar yanlışdır...
Poliqon xəbər verir ki, bu barədə The Washington Post qəzetinin məqaləsində bildirilir.
Qəzet qeyd edir ki, “Vaqner” muzdlularının köməyi ilə Moskva bir sıra Afrika ölkələrində rol oynayıb. Həmçinin Kreml Misir və Cənubi Afrika ilə dostluq münasibətləri saxlayır.
“Ancaq BMT-nin Rusiyanın Ukraynadakı hərəkətlərini pisləyən cəmi beş səsverməyə diqqət etsəniz, Moskva üçün qara qitədə vəziyyətin heç də ürəkaçan olmadığını görmək olar”, deyə The Washington Post yazır.
“BMT-yə üzv olan 54 Afrika dövlətinin əksəriyyəti bitərəf qalıb, yalnız Eritreya və Mali Moskvanın lehinə səs verib. Onlar da bunu hər dəfə etməyiblər. Eyni zamanda, 19 Afrika dövləti Ukrayna və onun müttəfiqləri ilə birlikdə ən azı bir dəfə səs verib.”, deyə WP vurğulayır.
Nəşr yazır ki, Putin keçən il Rusiya-Afrika sammitində Qərbi “insanları birinci və ikinci sinfə ayıran” “qızıl milyard” yaratmağa çalışmaqda ittiham etmişdi. Məsələ ondadır ki, Avropa və ABŞ-ın Afrika ilə öz mürəkkəb münasibətləri var. Çox vaxt onlar materikə ancaq lazım olanda diqqət yetirirdilər.
“Qərb daha inandırıcı arqumentlər ortaya qoymayana qədər, Afrika ölkələrinin onun ardınca getməsi ehtimalı azdır. Lakin bu, qitənin Putinin Rusiyasına qoşulması demək deyil”, deyə WP qeyd edir.
Poliqon.info
Digərxəbərlər
Populyar xəbərlər
