Suriyanın şərqindəki ABŞ hərbi bazasına 30 mərmi atılıb...
Suriyanın Deyr əz-Zor əyalətində yerləşən Amerika hərbi bazası raket hücumuna məruz qalıb.
Poliqon xəbər verir ki, bu barədə “Al Mayadeen” telekanalı məlumat yayıb. Xəbərdə qeyd edilir ki, bazaya 30 raket atılıb və buraxılış Suriya ərazisindən həyata keçirilib.
“Raket hücumu Deyr-əz-Zorun şərqindəki Əl-Ömər neft yatağındakı Amerika bazasına edilib”, deyə telekanalın məlumatında bildirilir.
Məlumatda qeyd olunur ki, ümumilikdə ABŞ-ın Suriya ərazisində 24 hərbi bazası və dörd məntəqəsi var.
Xatırladaq ki, Fələstin-İsrail münaqişəsinin kəskinləşməsi başlayandan bəri bu ölkədəki Amerika bazaları mütəmadi olaraq atəşə tutulur.
Poliqon.info