Zelenski etiraf edib ki, cəbhədə vəziyyət heç də ürəkaçan deyil

Poliqon bildiri ki, Ukrayna prezidenti bu barədə Fox News telekanalının jurnalistinə müsahibəsində deyib. Prezident Ukrayna ordusunun “güclü qalmaqda çətinlik çəkdiyini” qeyd edib.

Fox News telekanalının jurnalisti prezidentdən Ukrayna qoşunlarının irəliləməməsi pis siqnal olduğunu və əks-hücumun plana uyğun getmədiyinə işarət olması barədə sual verib. Zelenski isə cavab verib ki, Ukrayna hökuməti döyüş meydanındakı nəticələr haqqında danışanda daha çox nailiyyətlərə ehtiyac var.

“Bu yaxşı siqnal deyil. Düzdür. Amma uzun sürən müharibədə möhkəm qalmaq bizim üçün çətindir. Bəli, döyüş meydanında daha uğurlu nəticələrə ehtiyacımız var”, deyə Zelenski bildirib.

“Yenə də bunu təkrarladığım üçün üzr istəyirəm, amma bu film deyil, hər gün sehrlə ola bilməz” deyə ardınca Ukrayna prezidenti vurğulayıb.

Qeyd edək ki, Ukrayna ordusu iyunun 4-dən bir neçə istiqamətdə uğursuz hücum cəhdləri edir.

Poliqon.info