Moskva bütün bazarları sürətlə itirir. Rusiya büdcəsi neft bazarındakı vəziyyətlə əlaqədar astronomik məbləğlər itirməyə başlayıb...
Britaniya brendi ilə müqayisədə Rusiya neftinə endirimlər rekord həddə - 38 dollar/barelə çatır.
PİA.az xəbər verir ki, qiymət həddi Rusiyanın neft gəlirlərinə ağır zərbə vurmaqda davam edir və bu, ucuzlaşmaqda davam edən Rusiya neftinin qiymətinə birbaşa təsir edir.
Bir çox xəbər agentlikləri bildirirlər ki, bu gün Rusiya nefti ən aşağı qiymətə, 42,66 dollar/barelə satılıb ki, bu da dünənkindən 2,68 dollar ucuzdur. Maraqlıdır ki, “Brent” markalı neftin qiyməti qalxır və hazırda “Brent” Rusiya neftindən təxminən iki dəfə baha qiymətə - 80 dollara satılır.
Ekspertlər qeyd edirlər ki, Rusiya neftinə tələbat yoxdur, alıcılar onu sadəcə olaraq almaq istəmirlər.
Rusiya neftinin ticarətini təşkil edən Sankt-Peterburq Əmtəə və Xammal Birjasından daxil olan məlumata görə, bu gün 20 min ton xammalın bir barreli 42,66 dollardan satışına dair bir müqavilə imzalanıb.
Dünən 10 min ton neftin bir barelinin 45,35 dollara satışı ilə bağlı bir müqavilə imzalanıb. Keçən həftə Primorskda “Urals” neftinin qiyməti 43,72 dollar/barel təşkil edib ki, bu da Rusiya neftini almaq istəyənlərin olmaması ilə izah edilib”. Ekspertlər qeyd edirlər ki, Rusiya büdcəsi neft bazarındakı vəziyyətlə əlaqədar astronomik məbləğlər itirməyə başlayıb.
pia.az
Digərxəbərlər
Populyar xəbərlər
