Yunanıstan və Türkiyə müdafiə nazirləri etimad tədbirlərinə dair görüş təşkil etmək barədə razılığa gəliblər...
Poliqon xəbər verir ki, bu barədə Yunanıstan naziri Nikos Dendias məlumat verib.
"Mən NATO-nun Vilnüsdə keçirilən sammiti çərçivəsində Türkiyənin müdafiə naziri Yaşar Gülər ilə görüşdüm. Biz ikitərəfli münasibətlərimiz, beynəlxalq hüquq və mehriban qonşuluq münasibətlərinə əsaslanan əməkdaşlığımız üçün müsbət atmosferin, ünsiyyət kanallarının və görüşlərin vacibliyini vurğuladıq. Tərəflər etimad tədbirlərinə dair görüş təşkil etmək üçün əlaqə saxlamağa razılaşıblar”, deyə Dendias bildirib.
NATO müttəfiqləri Yunanıstan və Türkiyə ərazi mübahisələrinə görə dəfələrlə silahlı münaqişə ərəfəsində olublar. Türkiyə prezidenti Rəcəb Tayyib Ərdoğan 2022-ci ilin mayında Yunanıstanın baş naziri Kiriakos Mitsotakislə əlaqə saxlamaqdan imtina edib və onu razılaşmaları pozmaqda ittiham edib.
Lakin fevralın 6-da Türkiyədə baş verən dağıdıcı zəlzələdən dərhal sonra Mitsotakis Ərdoğana zəng edərək zəlzələnin nəticələrinin aradan qaldırılması üçün hər cür yardım vəd edib. Öz növbəsində Türkiyə Yunanıstanda baş verən dəmir yolu qəzasından sonra başsağlığı verib.
Poliqon.info
Digərxəbərlər
Populyar xəbərlər
