Trampa seçkilərdə iştirak etmək qadağan oluna bilər

PİA.az xarici mətbuata əsasən xəbər verir ki, 2021-ci il yanvarın 6-da Kapitoliyə hücumu araşdıran ABŞ Nümayəndələr Palatasının Xüsusi Komitəsi Konqresə keçmiş prezident Donald Trampın növbəti prezident seçkilərində iştirakını qadağan etməyi tövsiyə edib. Hesabat 6 yanvar hadisələri ilə bağlı çoxsaylı şahidlərin dindirilməsi və sənədlərin öyrənilməsinin nəticələrinə əsasən hazırlanıb. Hesabat ikipartiyalı komitə tərəfindən hazırlanıb və nəşr edilib.

Hesabatda deyilir ki, Tramp və digərləri “2020-ci il prezident seçkilərini ləğv etmək üçün 1887-ci il Seçkilərin Hesablanması Aktını əxlaqsızcasına pozmağa cəhd ediblər”.

Komitə hesab edir ki, Konstitusiyanı müdafiə etmək üçün and içən və sonra 6 yanvar qiyamında iştirak edənlər, istər federal, istərsə də əyalət, mülki və ya hərbi vəzifələrdə işləmək hüququndan müvafiq şəkildə məhrum edilə bilər.

Komitə Trampı ABŞ Ədliyyə Departamentinə rüşvət verməkdə ittiham edir. Bununla da Tramp rəsmiləri saxta ittihamlar irəli sürməyə inandırmağa və 2020-ci il seçkilərinin nəticələrini ləğv etməyə çalışdığə bildirilir. Tramp həmçinin konqresmenlərə, ştat rəsmilərinə və qanunvericilərə öz ştatlarında seçkilərin nəticələrini dəyişmək üçün təzyiq göstərib və sonda tərəfdarlarını Kapitoliyə yürüş etməyə çağırıb.

Bundan əlavə, araşdırmanın nəticələrinə görə, Tramp öz səlahiyyətlərindən istifadə edərək Milli Qvardiyaya iğtişaşları dayandırmaq əmrini verməyib.

pia.az